خاتمة للتدوينات السابقة :
-
تذكر إن هدفك
الحالي هو الوظيفة فلا تنسى نفسك
بالأشياء الي فوق ، حاول توازن بينهم مثلا يوميا خصص 3 -4 ساعات للتقديم على الوظائف
و زيارة مواقع التوظيف و الحسابات خاصة في
الصباح م 9 إلى 1 الظهر وبقية اليوم
استغله في الأشياء المذكورة فوق
-
رفه عن نفسك و هالشي ضروري بعد 5 سنوات من
الدراسة لكن انتبه من جملة " برتاح سنة وتالي راح ابتدي في التقديم "
هذي الجملة نكبت كثير من الشباب وتذكر
كلما طولت بعد التخرج بدون وظيفة كلما قلت
فرصتك في التوظيف وكلامي عن الي يأخذ اكثر
من سنتين بدون وظيفة. طبعا مايعني انك
ماراح تتوظف ابدا لاسمح الله لو ضليت سنتين
بدون وظيفة لكن بيصير الموضوع أصعب ويحتاج
تبذل جهد أكثر من حديث التخرج.
-
فيه أشياء وخيارات كثيرة بعد التخرج لكن
ماتحضرني ، لكن المهم إنها تساعدك تتخلص
من الفراغ و الأهم إنها تخليك تجلس كل
اليوم وتحس ان ملتزم بشيئ ، سواء وظيفة
بدوام جزئي أو دورة معتمدة ، او اختبار ، او حساب او موقع انت مسؤول عنه
ويكون مرتبط بهواياتك حتى لو Gaming
-
بعض الاقتراحات الي ذكرتها ماقدرت اطبقها او
انتبهت لها متأخر ، لكن شفت فايدتها وعرفتها من تجارب بعض الشباب
تعليقات
إرسال تعليق